Unnið að lokaskýrslu nefndarinnar

Fundarhöldum formanna Evrópunefndar um land allt lauk endanlega í byrjun síðustu viku. Nú er unnið hörðum höndum að gerð lokaskýrslu nefndarinnar þar sem fram koma niðurstöður og samantektir faghópanna sjö sem unnu á vegum Evrópunefndarinnar. Með skýrslunni verður unnt að gefa greinargott yfirlit um kosti og galla Evrópusambandsaðildar. Eins og áður hefur komið fram munu formenn Evrópunefndar svo leggja fram ályktun um Evrópumál sem tekin verður fyrir á landsfundi flokksins dagana 26. - 29. mars nk.