Ég vona að menn noti ekki þetta ástand í þjóðfélaginu til að knýja á um inngöngu í Evrópusambandið, það væri til að klúðra þessu endanlega. Ég skora á Sjálfstæðisflokkinn að láta ekki undan þrýstingi frá Samfylkingunni um inngöngu í ESB.
Hverjar eru undirstöðuatvinnugreinar Íslendinga og sem Ísland hefur byggst upp á, eru það ekki sjávarútvegurinn og landbúnaðurinn. Það var allavega ekki fjármála og hlutabréfabrask það eru ekki þær atvinnugreinar sem Ísland hefur byggst upp á, nei þvert á móti þetta er það sem kom Íslandi í það ástand sem nú er og undirstöðuatvinnugreinunum líka . Þetta var loftból sem sprakk og gat ekkert annað. Nú er kominn tími til að huga að þessum atvinnugreinum okkar sem gleymdust meðan loftbólan var. Þá á ég ekki síst við landbúnaðinn sem búið var að mála út í horn.
Með inngöngu í ESB missum við umráðaréttinn yfir auðlindunum okkar, viljum við það? NEI.
Innganga í ESB mun leiða til samdráttar og tekjumissi í landbúnaði, er það eitthvað sem við viljum? NEI.

Ég vil eiga meiri samvinnu með Norðmönnum allavega að það verði skoðað, við eigum meira heima þar en í ESB.

Jakob Sigurðsson

Tek undir þetta.

Ég tel það reyndar þjóðaröryggismál að hafa sterkan innlendan landbúnað.

Við erum að sjá núna hvernig Evruland lendir í því með gasið hvernig það er að treysta of mikið á aðra í fjarlægum löndum með aðdrætti.

Í upphafi fannst mér þessi nefnd tímaeyðsla og að vinda hefði átt sér strax í það algjörlega nauðsynlega verkefni að sækja um aðild að ESB. Eftir á að hyggja verð ég að viðurkenna að líklega var rétt haldið á hlutunum, enda hefur þessi vinna skilað miklum og mikilvægum upplýsingum. Við erum í dag hæfari til að ganga til aðildarumsóknar en við vorum við skipun nefndarinnar. Þakka öllum sem að þessu verkefni hafa komið fyrir góð störf.

Það er algjörlega óásættanlegt að sitja undir hótunum annarra, sérstaklega samstarfsflokksins í ríkisstjórn. Sjálfstæðismenn eiga heldur ekki að láta þær umræður trufla sig með því að spyrna við fótum eða útiloka aðilarviðræður fyrirframf.

Sjálfstæðisflokknum, sem forystuflokkur í ríkisstjórn og í þjóðfélaginu almennt, á að taka forystu í umræðunni innan samfélagsins.

Krafa samfélagsins er að aðildarmöguleikar verði skoðaðir. Það var einmitt hlutverk Evrópumefndar að skoða kosti og galla aðildar hlutlaust. SÍÐAN á að taka ákvörðun - ekki gefa sér forsendur fyrirfram með eða á móti aðild.

Því verður vart andmælt að ef Ísland gengur í Evrópusambandið missir það ákveðinn hluta af sjálfstæði sínu í hendur stjórnvaldi sem stýrist af heildarhagsmunum Evrópubúa.

Einnig virðist útleið úr ESB vera nánast ófær ef kemur á daginn síðar að innganga sé mistök. Við megum því ekki flýta okkur um of í að skoða þetta mál.

Hvað ef við skyggnumst áratugi eða jafnvel hundruði ára fram í tímann, hvaða hagsmunir munu verða ofaná í samfélagi þar sem við erum svona rík en höfum samt svo lítil áhrif? Hvort munu ráða ferðinni, hagsmunir 500 milljón Evrópubúa eða okkar?

Íslendingar eiga hlutfallslega miklu meiri auðlindir en Evrópubúar almennt. Gjöful fiskimið, orku, mikið land og hafsvæði og eflaust eigum við eftir að uppgötva olíu og fleiri auðlindir í framtíðinni. Þessar auðlindir og dugnaður þjóðarinnar komu okkur á fáeinum áratugum úr fátækt í flokk ríkustu þjóða og munu nú koma þjóðinni upp úr kreppuni á örfáum árum.

Getum við treyst því að þeir sem stjórna Evrópusambandinu muni til lengdar að standa vörð um að 0.3 milljónir manns sitji ein að slíkum auðlindum, einkum ef harðnar á dalnum hjá 500 milljónum Evrópubúa.

Hið svokallaða "samningaborð" verður án efa hlaðið freistingum... en það verður að varast að treysta að nokkur samningur sem gengur gegn hagsmunum ESB standi um aldir og æfi. Forsendur munu breytast, ný lög sett... og ólíklegt að fámenn þjóð geti miklu ráðið.

Nóg af efasemdum í bili.

Þakka Evrópunefndinni fyrir góðan vef og að bjóða fólki að taka þátt í umræðum.

Nú heyrði maður eitthvað gott og jákvætt á fundi í hádeginu með evrópunefnd og formanni flokksins Geir H Haarde.

Tvö atriði sem ég tók eftir í ræðu formansins.

Taka ætti tillit til mála sem væru ekki bara mæld í peningum í ákvörðun um ESB.

Auka ætti aðkomu fólks og skoðunum þeirra í fleyri málum en bara ESB.

Aukið upplýst lýðræði er alltaf af hinu góða.

Hætta í ESB eða verða gjaldþrota segir írskur hagfræðingur

ESB gefur lítið fyrir vanda Írlands heldur lætur hagsmuni stórþjóðanna ráða för, segir David McWilliams.

Ég var að lesa þetta á vef AMX