Styrmir, okkar hæfni til að draga ályktanir virðist ekki frá sama Guði komin. Seint verðum við því sammála um ESB. Hins vegar tek ég heils hugar undir með spurningum þínum varðandi hvað forystumenn séu að hugsa.

Hvernig geta menn annars vegar svo gott sem viðurkennt að líklega væri rétt að láta reyna á aðildarviðræður, en við sama tilefni halda áfram hræðsluáróðri gegn því ríkjasambandi sem ætlunin er að ganga til samninga við?

Eina skýringin sem mér dettur í hug er að eftir því sem menn kynna sér málið betur, þá komast menn á þá skoðuna að innganga í ESB sé til mikilla heilla fyrir þjóðina. Það er hins vegar erfitt að viðurkenna að hafa snúist hugur með slíkum hætti - sérstaklega fyrir stjórnmálamenn. Eftir að hafa hlustað á málflutning Einars K. undanfarin misseri, þá einfaldlega gæti hann ekki komið beint út og sagt rétt að ganga til liðs við ESB. Hann yrði sakaður um að vera með schizophreniu.

Það sem við þurfum á að halda núna er ekki þetta hálfkák. Menn verða að rísa upp sem leiðtogar og tilkynna að upphafið að endurreisn lands og þjóðar sé fólgin í að skapa okkur viðspyrnu með því umhverfi sem aðild að ESB færir okkur. Við þurfum á því að halda að þingmenn sjálfstæðisflokksins taki þessa forystu. Við þurfum leiðtoga sem segja þjóðini hvert við ætlum að stefna, hiklaust og fumlaust. Hvernig á almenningur að læra að treysta aftur stjórnmálamönnum þegar ræður og rit þeirra gefa til kynna að þeir treysti sér ekki sjálfir.

Við þurfum ákveðna forystu. Ekki forystu með undirmálsgreinum til að friða Davíð og Styrmi.

Landsfundurinn getur tekið sína efnislegu afstöðu en jafnframt ákveðið að fram skuli fara kosning meðal allra flokksbundinna Sjálfstæðismanna, sem í slíkri atkvæðagreiðslu móti hina endanlegu afstöðu Sjálfstæðisflokksins til ESB við núverandi aðstæður. Þetta tekur sinn tíma en niðurstaðan getur legið fyrir í vor eða snemma sumars.

Leggur Styrmir til.

Er þetta ekki nær lýðræðinu og getur verið öðrum flokkum til fyrirmyndar.

Það er fátt sem er hægt að gefa þjóðinni þessa daga hvað varðar efnislega hluti.

Hvernig væri að Sjálfstæðisflokkurinn tæki forystuhlutverk í betri nálgun til lýðræðis.

Það kostar ekki neitt frekar en kurteisi.

Einar, við þurfum ekki forystu sem býður upp á þá einu lausn að koma ábyrgðinni á stjórn landsins yfir á einhverja aðra.

Á fundinum þar sem þeir Styrmir og Bjarni fluttu framsöguerindi, sagði Bjarni ýmislegt sem mér féll ekki í geð. Samkvæmt frásögn Styrmis sagði hann meðal annars:

„Ég tel á hinn bóginn að nauðsynlegri samstöðu um framvindu málsins megi ná með því að leita samráðs við aðra stjórnmálaflokka um næstu skref. Margt bendir til að ríkur vilji sé hjá öllum stjórnmálaflokkum í landinu til þess að leiða fram þjóðarviljann varðandi ESB með lýðræðislegum hætti.

Óvarlegt væri að útiloka að flokkarnir gætu jafnframt komið sér saman um helztu áherzlumál Íslands í mögulegum aðildarviðræðum við ESB. Rétt væri að láta á þetta reyna því nái flokkarnir saman um slík samningsmarkmið væri tæpast ástæða til að efna til þjóðaratkvæðagreiðslu um umsóknarferlið sjálft.

Takist samstaða um megináherzlurnar væri að mínu áliti hægt að leggja fram aðildarumsókn og að loknu því ferli gengi aðildarsamningur fyrir þjóðina í atkvæðagreiðslu.“

Þarna er Bjarni að tala um nálgun að málinu sem ég get ekki kennt við lýðræði. Á fundinum bað ég hann um útskýringu, en hún var ekki fullnægjandi, að mínu mati.

Bjarni virðist telja það lýðræðislega aðferð, að mynda bandalag flokkanna um umsókn að ESB og sleppa að spyrja þjóðina álits hvort hefja eigi samninga-ferli. Ég endurtek orð Bjarna:

"Óvarlegt væri að útiloka að flokkarnir gætu jafnframt komið sér saman um helztu áherzlumál Íslands í mögulegum aðildarviðræðum við ESB. Rétt væri að láta á þetta reyna því nái flokkarnir saman um slík samningsmarkmið væri tæpast ástæða til að efna til þjóðaratkvæðagreiðslu um umsóknarferlið sjálft."

Þetta eru EKKI lýðræðisleg vinnubrögð, heldur gamla flokksræðis-aðferðin. Nú þarf lýðræðið að vera virkt á öllum stigum. Þjóðin krefst opinna og lýðræðislegra vinnubragða. Sjálfstæðisflokkurinn hefur þá skyldu að leiða lýðræðisþróunina og á þetta hefur Styrmir rækilega minnt. Hann hefur einnig minnt á mikilvægi þess, að umboð landsfundar til forustu flokksins verði einmitt EKKI opið, eins og Bjarni vill að það sé.

Það er þjóðin sjálf sem á að taka ákvörðun um ESB-aðild í þjóðaratkvæðagreiðslu.
Jafnvel hörðustu andstæðingar ESB-aðildar hljóta vera því sammála að þjóðin eigi að kveða upp sinn dóm um svo mikilvægt mál.

Hjörtur talar um að Sjálfstæðisflokkurinn þurfi ekki forystu sem vil koma ábyrgð á stjórn landsins yfir á aðra.
Þá á hann að nota sinn lýðræðislega rétt til þess að kjósa aðra til forystu hjá Sjálfsstæðisflokknum.
Einn eitt er víst, að ég mun ekki láta taka af mér þann rétt að fá að kjósa um þetta mál í þjóðaratkvæðagreiðslu.
Ef að öfl innan Sjálfstæðisflokksins ætla að reyna kæfa niður lýðræðislega umræðu um ESB-aðild, þá er ljóst að flokkurinn er búinn að vera.
Allt lýðræðislega þenkjandi fólk mun þá yfirgefa flokkinn.

Hjörtur: Þetta snýst síður en svo um að koma ábyrgðinni á stjórn landsins yfir á einhverja aðra. Aðild að ESB er bara grunnurinn. Samhliða aðild þarf að eiga sér stað gífurleg vinna, og ljóst er að hvort sem farið verður í ESB eða ekki, þá liggur ábyrgðin hjá okkur kjörnu fulltrúum - og þeir munu standa og falla með þeirri ábyrgð. En án þess að hafa grunninn í lagi, þá verður lítið orðið eftir til að taka ábyrgð á. Við þurfum annan gjaldmiðil. Ég hefði fyrir nokkru verið sáttur við einhliða upptöku og frestun á ESB aðild, en ég er einfaldlega orðinn sannfærður núna um að aðrir kostir en innganga í ESB og upptaka Evru í kjölfarið er eini raunverulegi kosturinn. Svo haft sé eftir skrifum Lofts hér annarsstaðar á síðunni : "Stöðugur gjaldmiðill er vissulega ekki allt, en án stöðugs gjaldmiðils er allt annað einskis virði." )Karl August Fritz Schiller (1911 - 1994)). Þetta vitum við íslendingar. Með krónuna að vopni munum við þurfa að þola ítrekaðar og frekari kjaraskerðingar um ókomna tíð.

Loftur: Þessi leið - sem þú telur ólýðræðislega - hefur dugað lýðræðissinnum um alla Evrópu við inngöngu í ESB. Norðmenn felldu samninginn í tvígang með mjög lýðræðislegum hætti. Getur ekki verið að þú hafir rangt fyrir þér varðandi þetta? Að þú sért einfaldlega blindaður af andstöðu þinni við ESB?

Annars bendi ég á að hingað til hafa 3 ESB andstæðingar skrifað á þessari síðu, Styrmir, Hjörtur og Loftur. Allir nota þeir Z. Það segir manni meira en mörg orð...

Einar, þetta snýst í grunninn nákvæmlega um það hverjir eigi að stjórna þessu landi. Kjörnir fulltrúar okkar eða kjörnir fulltrúar annarra en þó fyrst og fremst embættismenn Evrópusambandsins sem enginn kýs. Þetta er ekkert flókið.

Algjörlega án samhengis við greinina vil ég benda aðdáendum...ég meina áhugasömum um ESB á þessa frétt Vísis:

http://www.visir.is/article/20090113/FRETTIR02/257597606/-1

Nú skulum við bjóða þeim hingað heim til að virkja hverja einustu sprænu og gufustrók, áður en þeir bora Drekasvæðið í tætlur og soga úr því allt svartagullið

Fyrir þá sem skilja: ESB er farið að mynna mig óþægilega á Borg Collective

Styrmir.
Nú ertu kominn á rétta braut.
Að sjálfsögðu þarf að loka þessu máli með lýðræðislegri aðkomu.
Ef landsfundur ákveður að efna til kosningar meðal flokksbundinna Sjálfstæðismanna þá sýna menn og sanna að þeim er alvara um að loka þessum þarshring um ESB sem er að kljúfa flokkinn og þjóðina alla.
Ruglinu þarf að ljúka svo komist á vinnufriður.
Ekki veitir nú af.

Ég er líka harður andstæðingur ESB svo það komi fram og gleymist ekki.

Ég hef líka tekið eftir að erlendir áróðusmeistarar fyrir ESB aðild eru dregnir hér upp til landsins hvað eftir annað.

Hver borgar það.

Meðan fjölmiðlar eru í þeim farvegi sem hann er í fáum við enga rétta mynd.

Ég hélt að áróður svikula útrásarvíkinga í fjölmiðlum hafi kennt okkur eitthvað.

Forsetinn lét blekkja sig illilega ásamt mörgum í ríkisstjórninni.

Eiga sömu aðilar og leiddu okkur í gegnum bankablekkinguna að leiða okkur til

Evrulands.

Það væri ekki í fyrsta sinn í sögunni sem land væri tekið yfir með lymskubrögðum,
sofandahætti og aðgerðaleysi.
.

Það er fásinna að sækja um aðild að bandalagi sem maður vill ekki vera hluti af. Ef ESB ekki vill gefa Írum undanþágur frá Lissabon sáttmálanum er varla að búast við að við fáum þær. Ég ber virðingu fyrir skoðuninni að Ísland sé betur borgið í ESB en utan þess og ég ber líka virðingu fyrir því að við eigum að ná okkur á strík á eigin forsendum, en að ætla að vera vingull í pólitík á núverandi tímapunkti er algerlega óviðunandi. Almenningur þarf á skýrum svörum, af eða á. Það er of mikið að veði.

Vonandi ná menn áttum áður en til óþarfra viðræðna kemur.

Svonefndar ,,viðræður" kváðu fara fram með lettersbréfum milli landa. Því er ekkert að vanbúunaði, að spyrja í bre´fi væntanleg yfirvöld í ESB, hverjar væru aðstæður okkar hvað varðar náttúruauðlindir okkar, fiskimið, fallvötn, hitaorku og svo framvegis.

Að svari fengnu, gætu umræður farið fram um efni bréfsins.

Það er að verða plagsiður manna hér á landi, að funda um ekkert aftur og aftur. Þessi háttur ku heita umræðustjórnmál en var kallað að drolla og gaufa hér í eina tíð.

Ég sé svosem ekkert sem gæti verið þess virði, að afsala okkur enn frekar forræði á okkar málum.

Hef verið andsnúinn EES og svonefndu ,,fjórfrelsi" sem ég svo oft kallaði fjór-helsið. Því líkt og nú liggur afar ljóst fyrir, gátum við ekki þolað slíkt ,,frelsi" sem varð að einokuðum brautum fyrir gróðapunga til að skuldsetja framtíðina gróflega og allir tilburðir stjórnvalda til að hefta spákaupmenn, voru umsvifalaust kærð til ,,bærra yfirvalda" á EES-svæðinu, hverjir sneru lögleg stjórnvöld niður með áliti.

Þetta gíruga lið, kærði jafnvel Íbúðalánasjóð fyrir að vera ,,fyrir" gróðavæðingu íbúðalána ungs fólks í landinu, slík var siðblindan og aungvir reistu rönd við.

Nei Styrmir, aldrei víkja af þeirri braut sem til sælunnar liggur fyrir þjóð okkar.

Hafðu þakkir og virðing fyrir framtak þitt.

Með Flokkskveðjum
Bjarni Kjartansson, Miðbæjaríhald

Hvað segið þið um að fara svipaða leið og gert var þegar Nato málið var afgreitt á áttundaáratugnum? Það væri hægt að gera með póstkostningu allra flokksbundinna Sjálfstæðismanna. Það er ekki nema 45 þúsund einstaklingar og þeirra niðurstaða hlýtur að leggja línu fyrir framhald málsins innan flokksins og í raun framhald málsins alls á landsvísu.

Annars fer allt of mikið af okkar púðri í þetta ESB mál, sem er í dag algert aukaatriði þjóðmálanna, önnur mál og meiri þurfa athygli þessa dagana.

Hvers vegna hefja samningaviðræður um eitthvað sem við viljum ekki? Á Samfylkingin virkilega að ráða för í starfi Sjálfstæðisflokksins ? Andstaða við ESB meðall landsmanna er mikil og ég fullyrði að beri Sjálfstæðisflokkurinn gæfu til að varðveita áður markaða stefnu sína um hreina andstöðu við inngöngu í þennan saumaklúbb skrifræðisins vinnur flokkurinn stórsigur í næstu kosningum. Aukum ekki á vandræði þjóðarinnar.

"Any society that would give up a little liberty to gain a little security...will deserve neither and lose both" -Benjamin Franklin

Gunnar Dofri:
Þessi frétt á vísi er mjög villandi. Það hljómar eins og að um eignaupptöku sé að ræða. Það er þó ekki málið.

Það eiginlega bara skiljanlegt að ESB sækji í birgðir sinna aðildarþjóða þegar neyðarástand er að skapast innan sambandsins. Auðvitað er þá líka greitt fyrir þessar birgðir og framleiðslu. Þessi frétt um olíuauðlindir Bretlands og Hollands er því mjög villandi og í raun ekkert óeðlilegt á ferðinni. Ef við værum olíuframleiðsluþjóð og það vantaði gas til að bjarga samborgurum okkar innan ESB frá því að frjósa, þá myndi ég kjósa að okkar framleiðsla yrði frekar seld þangað en t.d. til spákaupmanna sem myndu vilja hagnast á ástandinu.

Það er einmitt öryggi að vera hluti af þessum stóra markaði sem getur séð um sig og sína þar sem samanlagðar auðlindir geta tryggt lífsgæði í álfunni.

Þá veit maður hvað verður efst á vinsædarlistanum hjá and-sinnum á næstunni:

ESB ætlar að yfirtaka olíu og gas breta og holledinga samkv. heimild sem var "leynilega" skrifuð inní Lisabonsáttmálann...

Hahaha. Gaman að þessu.

Einar:

Þú lýsir þarna skólabókardæmi af eingaupptöku: Ríkisvald tekur eitthvað af þegnum sínum (eða yfirþjóðlegt ofurríki tekur eitthvað af héröðum sínum) og bætir því skaðann sem það verður fyrir. Ef ekki kæmi til bóta væri um hreinan og kláran þjófnað. Einstaklingar hafa hins vegar ekkert um þetta að segja, frekar en héröð Evrópusambandsins, "andlag" eignarnámsins er einfaldlega tekið og bætt með einhverjum hætti, hvort sem einstaklingurinn eða héraðið vill það eða ekki.

"Það er einmitt öryggi að vera hluti af þessum stóra markaði sem getur séð um sig og sína þar sem samanlagðar auðlindir geta tryggt lífsgæði í álfunni."

Ég leyfi mér að fullyrða að hvergi í Evrópu, jafnvel í heiminum, finnst auðugri þjóð að orkuauðlindum, sem og öðrum auðlindum, miðað við höfðatölu. Nú vilt þú og trúboðabræður þínir hleypa þjóðum, hverra helsti auður er spilling, að auðlindum Íslands þannig að við yrðum jafnháð gerræðislegum ákvörðunum fyrrverandi KGB-manna í orkumálum.

Hvernig er það, Einar, talaðir þú fyrir innlimun Íslands af Sovétríkjunum, svo að fólkinu þar liði betur?

Í 122 gr. Lissabon sáttmálans (lesist Stjórnarskrá Evrópusambandsins) 1. tl. segir:

"Without prejudice to any other procedures provided for in the Treaties, the Council, on a proposal from the Commission, may decide, in a spirit of solidarity between Member States, upon the measures appropriate to the economic situation, in particular if severe difficulties arise in the supply of certain products, notably in the area of energy."

Ég sé ekki betur en að þetta ákvæði sé í samræmi við ummæli Barroso, forseta framkvæmdastjórnar Evrópusambandsins, sem höfð voru eftir honum í Daily Express nýverið:

"Meanwhile, in a closed-door meeting with high-ranking European politicians, Mr Barroso said the current crisis showed the need for urgency in adopting a common EU energy policy. He called for a “mutualisation of energy stocks”, the better use of “EU indigenous energy resources” and said it was vital that member states show “solidarity” with their struggling partners in eastern Europe. Mr Barroso added that he would soon have the legal authority to take over control of energy reserves under the Lisbon Treaty."

Það er ótrúlega mikið bull í gangi varðandi ESB. Ég hef verið að lesa mig til um sjávarútvegsstefnuna og við það rennur upp fyrir mér að upplýsingar sem hagsmunaðilar eru að gefa eru alls ekki réttar. Og annað sem máli skiptir í þessari umræðu er að allt varðandi aðrar auðlindir en fiskveiðar og landbúnað, hefur þegar verið tekið inn í EES. Um það þarf ekki að semja í aðildarviðræðum.
En málið snýst um að traust almennings, þar með talið margra sjálfstæðiðsmanna á forystuna fer þverrandi. Það verður ekki undan því vikist að okkar forystmenn ráku sofandi að feigðarósi. Íslendingar hefðu lent í kreppu óháð því sem er að gerast erlendis. Slíkt hefur feigðarflan okkar verið undanfarið.
Ég óttast að flokkurinn minn eigi eftir að gjalda afhroð í næstu kosningum, En þó enn verru ef við sýnum þann hroka að treysta ekki þjóðinni til að greiða atkvæði um inngöngu eftir að samningsdrög liggja fyrir. Þá værum við að segja: ,,Okkur hefur fullkomnlega mistekist stjórn efnahagsmála undanfarin ár. Við hlustuðum ekki á ítrekaðar aðvaranir erlendra sérfræðinga og bentum þeim á að fara í endurmenntun. En viljið þið ágæta þjóð ekki kjósa okkur aftur?"
Því miður kæru félagar er staða okkar svona. Það er nánast sama við hvaða sjálfstæðismann ég hef rætt undanfarið að þeir deila þessu áhyggjum með mér.
Við skulu taka einarða forystu um að sækja um aðild. Við skulum leiða þessa umræðu eins og við höfum gert áður varðandi mikilvæga alþjóðasamninga. Við skulum treysta þjóðinni til að taka vitræna afstöðu í kosningum um aðildarsamning. Það er að segja ef við viljum Sjálfstæðisflokknum vel og því sem hann stendur fyrir.

Í drögum að Stjórnarskrá ESB (Lisbon uppkastinu) stendur í kafla XX, grein 100:

“Without prejudice to any other procedures provided for in the Treaties, the Council, on a proposal from the Commission, may decide, in a spirit of solidarity between Member States, upon the measures appropriate to the economic situation, in particular if severe difficulties arise in the supply of certain products, notably in the area of energy.”

Fyrir utan hversu hroðalega aumur þessi texti er, kemur þarna greinilega fram vilji til að yfirtaka orku-auðlindir aðildarríkjanna, við sérstakar aðstæður. Ef við sleppum skrautinu getum við fengið eftirfarandi meiningu:

"..the Council..may decide..upon the measures appropriate to the economic situation,..notably in the area of energy."

Það er svo annað mál, að þarna er gefinn upp jákvæður tilgangur, en það er nú bara venjulegt stílbragð kommúnista. Eru ekki lýsandi þau ummæli Barosso, sem hann lét falla á nýlegum leynifundi háttsettra kommissara:

"…that he would soon have the legal authority to take over control of energy reserves under the Lisbon Treaty."

Enginn þarf að vera í vafa um, að ESB stefnir að stofnun nýrra Ráðstjórnarríkja. Þetta hafa kratar allra landa skilið og þess vegna var Alþýðuflokkurinn svona áfjáður að fórna fullveldi Íslands. Samfylkingin ber að engu leyti hlýrri hug til fullveldisins og ég legg til að ríkisstjórnar-samstarfi við þann flokk verði slitið, strax að loknum landsfundinum, ef ekki fyrr.

Alltaf birtist eitthvað nýtt.

Hver ætli borgi þann ESB áróður og sýningu sem er nú haldin í Háskóla Íslands.

Hver ætli borgi alla þá erlendu ESB áróðusmeistara sem eru nú að birtast hér á landi.

Hvaða hagsmunaafl neyðir okkur til að þrasa um ESB og þá ótímabæru ákvörðun um inngöngu þar.

Er forustan sjálf að fá okkur til að hugsa um aðra hluti en þá alvarlegu stöðu þjóðmála sem nú blasir við og þarf að leysa..

Ætla sömu aðilar og voru í þotum, veislum og gleðskap bankablekkingana að hafa vit fyrir þjóðinni aftur.

Eigum við ekki að bíða þar til rannsókn á bankahruninu lýkur í nóvember að ákveða nokkuð með ESB.

Við vitum ekkert núna. Við vitum ekki einu sinni hvort Evruland hafi átt hlut að máli í bankahruninu.

Það væri ekki í fyrsta sinn sem stórríki beitti kerfislægum vélabrögðum til að þvinga sínum málum fram.

Loftur. Ísland stefnir að því að uppfylla matvælaöryggi þjóðarinnnar, þ.e. að ef til neyðar kemur þá getum við fætt þjóð okkar með eigin auðlindum/afurðum. Er það ekki hreinasti kommúnismi? Það er nákvæmlega það sem ESB er að gera, þ.e. að til þess komi að hluti almennings í ESB sé að frjósa í hel, þá skal nýta auðlindir innan sambandsins til að koma í veg fyrir að svo verði. Það er enginn að tala um eignaupptöku - auðlindaþjóðir munu fá sitt réttmæta endurgjald. Þetta er hins vegar eðlileg krafa á vinaþjóðir og líklega hefði nú verið óþarfi að hafa þetta í Lissabon sáttmálanum...

Loftur þú flýgur svo hratt að þú missir alla sýn. Samkvæmt textanum sem þú birtir þarf solidarioum (in a spirit of solidarity between Member States). Það er samþykki allra ríkja ESB. Ísland hefði sem sagt neitunarvald í slíkum málum. Við verðum þrátt fyrir tilfinningahita í þessum málum að fara rétt með staðreyndir.

Hvað ert þú að tala um Einar, neyðaráætlun um söfnun matarbirgða í landinu til að forða hungursneyð ? Bretar hafa bent á, að opnun orku-markaða sé eðlilegri leið til að mæta orkuskorti, en yfirtaka (þjóðnýting).

Er þú viss um Einar, að Barosso muni ekki ganga lengra, ef hann kemst upp með að þjóðnýta orku-iðnaðinn ? Bretar og Hollendingar hafa ekki hafnað viðskiptum með orku, fremur en með aðra hluti. Þeir fara einungis fram á að aðferðir Ráðstjórnarríkjanna verði ekki viðhafðar.

<<

Ég sé Gunnar að Enska er líklega ekki þín sterka hlið. Orðleppurinn:

"..in a spirit of solidarity between Member States.."

vísar til samkendar aðildar-ríkja, en þarna er ekkert nefnt um "samþykki allra ríkja ESB". Það er beinlínis fáránlegt að fullyrða:

"Ísland hefði sem sagt neitunarvald í slíkum málum."

Ætlunin er veita Evrópu-ráðinu (The Council) völd til að taka yfir orkufyrirtækin og raunar fleirri svið. Ekki þyrfti að setja svona ákvæði í Stjórnarskrána, ef samþykki allra þyrfti til. Þá væri það bara afgreitt með einfaldri samþykkt.

Nú er eg búinn að lesa alla siðuna hér á undan og verð að segja að eg skil sjónarmið bæði þeirra sem vilja ganga í ESB og okkar hinna sem vilja það ekki.
eg gekk í Sjálfstæðisflokkinn 1958 þegar eg var 18 ára.og var þá í nánast andstöðu við allt mitt umhverfi. hér í N- þingeyjarsýslu. hér voru næstum því bara Framsóknanmenn.gott og heiðarlegt fólk.en ekki nóg fyrir mig eg fór því mina leið frammhjá því þæilega. en eg gat valið. og því er eg að skrifa á þessa síðu.og enn get eg valið mér leið.og nú vel eg það sem eg tel vera það öruggasta í dag ,ekki lengur bara fyrir mig,heldur fyrir börnin mín og ykkur hin.
Í gær var hér á þórshöfn fróðlegur fundur um olíu leitarsvæðið hér skammt undan Langanesinu. vegaleingd svo sem hálfa leið frá Þórshöfn og til Reykjavíkjur.
Eg held að 1944 hafi ekki verið margir Íslendingar sem töldu það vera betra fyrir land og þjóð að vera áframm í sambandi við Dani.í dag tel eg Dani vera ágæta vina þjóð sem vill okkur vel.svo er og um aðrar ESB þjóðir....0g þá kem eg að því sem er alvara málsins í dag. treistum okkar eigin Þjóð til að stjórna okkar eigin málum,Olían er kannski tálsín fyrir einhverja , en ekki mig ,skuldir ríkisjóðs eru kannski ógn við einhvern en eg man þá tíð að eg átti ekkert .mitt byggðarlag átti ekkert .og þjóðin okkar átti ekkert nema vonina um frelsi.það frelsi get eg ekki selt fyrir. nokkrar EFRUR.Því bið eg ykkur ágætu Landsfundarfulltrúar skoðið vel ykkar ábyrgð ef kosið verður um aðild að ESB á landsfundi eftir 2 vikur.

Hver borgar Einari og Ómari fyrir að vera með áróður á þessari síðu? Eru þessir menn í Sjálfstæðisflokknum?

Fyrir það fyrsta þá er hér um klárt eignarmán að ræða, ráðstöfunarréttur er óumdeildur hluti eignaréttar og ef menn eru sviptir honum og fá bætur fyrir er um eignarnám að ræða. Einar getur svo ásamt Ómari reynt að draga upp úr ESB-töfrahatti sínum einhverja aðra skýringu eða bara sakað menn um rasisma sem ekki vilja deila olíunni sinni með öðrum. Það er víst nýjasta vopnið hjá sambandssinnum að saka menn um rasisma sem ekki vilja innlimast í ESB.

Nokkrar staðreyndir:
Við inngöngu í ESB:
Missum við æðsta löggjafarvald til Brussel
Missum við sjálfstæði dómstóla okkar
Missum möguleikann á að gera viðskiptasamninga við önnur ríki sjálf
Missum ákvörðunarrétt yfir öllum auðlindum okkar
Færum við ákvörðunarvald fjær fólki
Drögum úr skilvirkni á nýtingu náttúruauðlinda
o.fl.

Án æðsta löggjafarvalds, dómsvalds og sjálfstæðrar utanríkisstefnu verðum við ekki fullvalda og ekki sjálfstæð þjóð.

Ég spyr því, og vænti þess að einhver þori að svara, hvað græðum við á inngöngu í ESB og er það þess virði miða við fórnarkostnaðinn.

Vilhjálmur:
Svo virðist sem flestir þeirra sem skrifað hafa athugasemdir á þessa heimasíðu og eru hlynntir því að Ísland verði hluti af Evrópusambandinu séu ekki sjálfstæðismenn og í sumum tilfellum harðir andstæðingar flokksins. Ófáir eru úr Samfylkingunni, jafnvel einstaklingar sem hafa gegnt þar trúnaðarstörfum. Þetta er reyndar í samræmi við þá fundi sem haldnir hafa verið um Evrópumálin innan Sjálfstæðisflokksins á undanförnum vikum, og bara á undanförnum árum, það er lítill áhugi á því að verða hluti af Evrópusambandinu en á móti mikil andstaða við þann ráðahag.

Gunnar Þórðarson:
Þetta snýst ekki um að treysta þjóðinni fyrir einhverju eða ekki. Þetta snýst um það að Sjálfstæðisflokkurinn hafi bein í nefinu til að marka sér afgerandi stefnu í málaflokknum. Hver er tilgangurinn með stjórnmálaflokkum ef þeir þora ekki að taka afstöðu til stórra álitamála eins og þess hvort Ísland skuli verða hluti af Evrópusambandinu eða ekki? Sjálfstæðisflokkurinn hefur alla tíð verið forystuafl í íslenzkum stjórnmálum og hann hefur ekki verið það með því að beita fyrir sig lýðskrumi.

Vilhjálmur:
Þú spyrð hver greiðir mér fyrir að skrifa á síðunni. Það greiðir mér enginn. Hins vegar er ég að berjast fyrir fjárhagslegum hagsmunum mínum og minnar fjölskyldu, þannig að það má líta svo á að ég sé á launum við að berjast fyrir sjónarmiðum mínum. Fyrst og fremst er ég þó að berjast fyrir því sem ég tel vera hagsmunir þjóðarinnar, enda fara hagsmunir þjóðarinnar og mínir algjörlega saman.

Þú spyrð hvort ég sé í sjálfstæðisflokknum, og satt best að segja finnst mér það ekki koma þér við. Af því að þú spyrð þá ætla ég hins vegar að svara þér. Ég er ekki í Sjálfstæðisflokknum frekar en neinum öðrum flokki. Ég hef kosið 3 flokka s.l. 14 ár, og þar á meðal Sjálfstæðisflokkinn. Það er orðið nokkuð langt síðan ég sá að hagsmunum okkar væri best varið innan ESB, og réð það sjónarmið atkvæði mínu við síðustu alþingiskosningar og það mun einnig ráða atkvæði mínu í þeim næstu. Ég kaus því ekki sjálfstæðisflokkinn í síðustu alþingiskosningum, enda fór þá stefna flokksins ekki saman við það sem ég hef talið mikilvægasta málefni íslendinga undanfarin ár. Ég hinns vegar lifi í voninni að flokkurinn muni samþykkja að stefna að ESB aðild í kjölfar flokksþings í lok mánaðar, enda taki flokkurinn stefnuna á ESB, þá treysti ég engum flokki betur að skila okkur þangað inn og get því hér með lofað flokkinum atkvæði mitt.

Skoðum svo ruglið í þér:
"Nokkrar staðreyndir:
Við inngöngu í ESB:
Missum við æðsta löggjafarvald til Brussel"

...og gallinn er? Við höfum hingað til lifað við að hægt sé að vísa málum til æðra dómstigs en hæstarétts Íslands, og það hefur gefist okkur vel og verið sérlega happadrýgt fyrir íslenskan almenning.

"Missum við sjálfstæði dómstóla okkar"

Rangt. Aðild að ESB hefur ekkert með sjálfstæði dómstóla að gera.

"Missum möguleikann á að gera viðskiptasamninga við önnur ríki sjálf"

Og göngum í staðinn til liðs við samband sem hefur mun meiri styrk og ætti í flestum tilfellum að geta náð fram betri samningum en við getum ein og sér. A.m.k. er atvinnulífið að mestu leyti nokkuð afdráttarlaust í stuðningi sínum við inngöngu í ESB þannig að ég sé ekki að þú vitir betur hvað þurfi til þannig að þeirra starfsskilyrði séu sem best.

"Missum ákvörðunarrétt yfir öllum auðlindum okkar"

Ekki endilega rangt, en áróðurskennt og villandi. Breytingin frá því sem er í dag er lítil og deila menn um hvort almenningur sé endilega verr staddur í kjölfarið. Það er a.m.k. ljóst að hagsmunir almennings fara ekki saman við hagsmuni núverandi eigendur kvótans á íslandsmiðum.

"Færum við ákvörðunarvald fjær fólki"

Þetta er að vissu leyti rétt. Hins vegar mun íslensk pólitík halda áfram að skipta mestu máli fyrir íslendinga. Við verðum hins vegar að taka okkar ákvarðanir í takt við áherslur í okkar fjölþjóðlega umhverfi... sem er fínt. Mestu framfarir fyrir almenning á íslandi hafa komið í kjölfarið af tilskipunum ESB. ESB mun vissulega fara með löggjafarvald, en þeir fara hins vegar mjög vel með það vald.

"Drögum úr skilvirkni á nýtingu náttúruauðlinda"

Þetta er auðvitað bara bull. Af hverju ættum við að draga úr skilvirkni á nýtingu náttúruauðlinda við inngöngu í ESB?

Einar Solheim, í síðasta skipti, eignaupptaka felur eðli málsins samkvæmt í sér bætur! Ef bæjarstjórn Garðabæjar tæki þá ákvörðun að byggja loftvarnarbyrgi á lóðinni, sem heimili þitt hvílir á, þá myndu þeir taka lóðina eignarnámi og þú fengir bætur. Þú hefðir hins vegar ekkert annað um málið að segja. Ef ekki væru greiddar bætur væri um þjófnað að ræða. Mér finnst ég hafa skrifað þetta áður, getur það verið?

Og hvaða rugl er þetta um almenning í ESB? Síðast þegar ég gáði var almenningur í Danmörku, Svíþjóð, Finnlandi, Þýskalandi og 23 öðrum löndum innan Evrópusambandsins, en adrei hef ég heyrt um almenning ESB.

Svaraðu mér þessu, herra Solheim: Ef fæðuskortur gerði vart við sig í Búlgaríu og Ísland væri orðið hérað í ESB, ættum við þá að skipa upp okkar matvælum og senda til Sófíu, að því marki sem jafnmikil fæða per capita væri í löndunum?

Kannski þú viljir bara ekki skilja þetta.

Annars er ég forvitinn, ertu í Sjálfstæðisflokknum?

Sæll Einar
Í sjálfum sér kemur mér ekki við hvort þú er Sjálfstæðismaður eða ekki. Mér finnst bara merkilegt að þið kratarnir séuð að beita vefsvæði Sjálfstæðisflokksins í áróðursskyni fyrir ykkar sambandsstefnu.

Talandi um staðreyndir sem ég setti fram, förum bara yfir þær.

Löggjafarvald verður á höndum erlendra aðila. Þessu neitarðu ekki en spyrð bara hver er gallinn. Gallinn er augljóslega sá að pólitískar stefnur og straumar geta skarast á. Gefum okkur að ESB verði últra frjálshyggju samband og geri öllum aðildarríkjum að einkavæða heilbrigðiskerfi sín. Heldur þú að íslenska þjóðin verði mjög sátt við það? Gæti verið að fólk vilji eitthvað um sín eigin málefni að segja? Hafðu það líka í huga að okkur hefur ávalt farnast best þegar við höfum stjórnað okkur sjálf.

Missum sjálfstæði dómstóla okkar. Þetta segir þú rangt. Segðu mér þá eitt hvernig getur dómstóll verið sjálfstæður þegar hann er bundinn við túlkun frá Evrópudómstólnum?

Missum möguleikann á að gera viðskiptasamninga við önnur ríki sjálf. Þessu neitarðu ekki en bendir á að við fáum svo gott að vera í ESB. Kosturinn við að vera lítið land með lítinn markað er að það auðveldar okkur gífurlega að gera fríverslunarsamninga. Það er langt í frá að fríverslunarsamningar ESB henti okkar útflutningi og því mikilvægt að við höfum eitthvað um okkar eigin málefni að segja.

Færum ákvörðunarvald fjær fólki. Þessu neitarðu ekki

Drögum úr skilvirkni á nýtingu náttúruaðlinda. Þetta segirðu vera bull. Segðu mér þá hversu skilvirk er nýting ESB á fiskveiðiauðlind sinni?

Alltaf þegar þú færir ákvörðunarvald lengra frá þeim sem þurfa að lúta því eykurðu líkurnar á því að skilvirkni verði minni í því samfélagi. Tökum dæmi: loðnuveiðar á Íslandi undanfarin ár hafa verið byggð á því að rannsóknarskip hafa verið send út og um leið og það finnst veiðanlegt magn gefur sjávarútvegsráðherra út veiðiheimild. Hversu fljótt heldurðu að ESB væri að gefa slíka heimild? Hvað ætli mikil verðmæti fara í ræsið við það?

Þú verður líka að svara einu Einar: Hvers vegna vorum við að berjast fyrir sjálfstæði og fullveldi frá Dönum ef það er ekki svona slæmt að láta aðra stjórna sér? Vissirðu að Íslendingar fengu tvo þingmenn á danska þingið sem er hlutfarslega meira en á þing ESB.

Það er nokkuð ljóst að sá sem er að hugsa um fjárhagslega hagsmuni sína er betur settur utan sambandsins en innan þess.

Ég dáist að bjartsýni þeirra sem halda að hægt verði að reisa við íslenskan efnahag utan ESB og með íslensku krónunni. Ég hef aldrei haldið því fram að ESB sé gallalaust. Ég vil einfaldlega meina að við eigum okkur ekki viðreisnar von utan sambandsins. Ég held þar að auki að sumir sem hér skrifa geri sér einfaldlega ekki grein fyrir því hve slæmt ástandið er og hve slæmt það á eftir að verða.

Ég ætla ekki að láta bjóða mér þetta umhverfi sem hér hefur verið mikið lengur. Mér finnst það ekki boðlegt að greiða hærri vexti en nágrannar mínir í austri og vestri. Ég sætti mig ekki lengur við það að lán mín hækka í takt við það sem ég greiði af þeim. Ég sætti mig ekki við þennan sérstaka íslenska skatt, sem virkar þannig að geri auðjöfur, stjórnmálamaður eða seðlabankastjóri mistök, þá fellur gengið og verðbólga hækkar. Það er ekki boðlegt að þurfa að borga yfirverð fyrir allar innfluttar vörur, af því að söluaðilinn þarf að gera ráð fyrir því að gengið geti fallið um 10% áður en hann gerir upp við sinn erlenda lánadrottinn. Ég er heldur ekki tilbúinn að búa til lengdar í samfélagi þar sem börn eru alin upp á pizzum og pasta af því að hollasta og besta fæðan sem kostur er á - KJÖT - er svo dýrt vegna verndunar á sérlega óhagkvæmu landbúnaðarkerfi.

Það hefur sýnt sig að ESB mál má ræða endalaust fram og til baka, og ljóst að flestir sem þennan vef lesa verða ALDREI sammála. Að mínu mati er málflutningur ESB-andstæðinga ósanngjarn, ómerkilegur og fastur í algjörum smáatriðum á grundvelli einhverra prinsippa og hæpinna orðaskýringa. Að mati ESB andstæðinga er ég föðurlandssvikari, krati og margt þaðan af verra. Það þykir mér þó verst að menn skuli véfengja rétt minn til að skrifa á þessari síðu, af því að ég hef ekki kosið að kjósa ekki Sjálfstæðisflokkinn í öllum kosningum. Ég finn samsvörun við mínar pólitísku skoðanir í öllum flokkum - þó síst Vinstri grænum. Í nokkur ár hef ég nú haft áhyggur af stöðu Íslands og því fjárhagslega umhverfi sem við búum við. Ég sá ekki fyrir bankahrunið, en var þó á því að umhverfið gæti aldrei stutt við blómlegan atvinnurekstur á neinu sviði. Krónan einfaldlega dugar ekki til að halda því uppi. Saga krónunar er hörmungarsaga. Ég hef því undanfarin ár verið á þeirri skoðun að ekkert sé okkur mikilvægara en að fá skjól og nauðsynlegar umbætur sem ættu sér stað samhliða inngöngu í ESB og upptöku Evru. Á meðan Sjálfstæðisflokkurinn er ekki sammála mér, þá get ég ekki kosið flokkinn. Ef flokkurinn er sammála mér, þá kýs ég flokkinn. Ég tel það því minn lýðræðislega rétt að gera allt sem ég get til að hafa áhrif á stefnu flokksins. Sem óflokksbundinn einstaklingur, þá hlýt ég að hafa leyfi til að skrifa hér, því víst er að ég mun ekki geta beitt mér á landsþingi neins stjórnmálaflokks.

En ég skal hinns vegar gleðja þig Vilhjálmur með því að þetta verður það síðasta sem ég skrifa... hef sagt nokkurn veginn allt sem ég get sagt.

Vill bara enda á því að ítreka fyrir þeim flokksmönnum sem munu sækja landsfundinn að ábyrgð ykkar í þessu máli er gífurleg. Aðild að ESB er góður kostur. Upptaka annars gjaldmiðils er óumflýjanleg. Á meðan ekki hafa komið fram aðrar raunhæfar hugmynir en að ganga í ESB til að geta tekið upp Evru, þá er ljóst hvernig komandi flokkskosningar VERÐA að enda. Það er ábyrgðarhlutverk að ætla sér að segja NEI, og dæma þar með íslenskan almenning til áratuga fátæktar og íslenskt atvinnulíf til þess að þurfa að lifa við óstöðugleika og höft um ókomna framtíð.

Vilhjálmur, ja eg væri lveg til í að fá borgað fyrir að skrifa hérna. Bara senda tilboð :)

Sko, en almennt um málið að þá er það alveg rétt að eg er enginn stuðningsmaður Sjálfst.flokksins. Eg er alveg hlutlaus í íslenskri flokkapólitík. Er bara í mínum eigin flokki ef svo má segja.

En svo er mál með vexti að einhverra hluta vegna er umræddur flokkur sá stærsti og valdamesta apparat landsins. Ljóst er að Flokkurinn mun hafa mikið að segja (jafnvel úrsitaáhrif) um hvort Íslendingar hysja nú loks upp um sig buxurnar og dratthalast til Brussel og ræða þar ESB aðild. Loksins.

Nú, málinu framvindur þannig að startað er þessari ágætis síðu hérna. Hvað gerist ? Jú jú, hér óðu uppi hræðsluáróðursmenn með upphrópanir og tóma steypu svo yfirgengilegt var.

Ég sem einn íslenskur almúgamaður og eitt sandkorn af þjóðarströndinni er málið varðar ofbauð einfaldlega. Sá mig hreinlega tilneyddan til að grípa inní og mótmæla rangfærslum ýmiskonar varðandi ESB og benda á traustar upplýsingar o.s.frv.

Svo vill reyndar til, að eg hef lengi verið áhugamaður um ESB og komst að því fyrir margt löngu, eitthvað um 1990 eða jafnvel fyrr, að eina vitið og langrökréttast væri fyrir Ísland að fara í ESB. Með því væri hagsmunum einstaklinga og þjóðarhag best borgið. Þess vegna kveikir í mér og vekur tjáningarþörf þegar haldið er fram einhverju tómu malbiki varðandi ESB.

Mér þykir undarlegt og já grunsamlegt, að Einar skuli bara horfa til gömlu Krónunnar sem valkost við ESB-aðild. Við eigum völ á tveimur mjög góðum kostum, sem eru full Dollaravæðing og upptaka sterks innlends gjaldmiðils undir Myntráði. Hvers vegna gefa ESB-sinnar sér ekki tíma til að skoða þessa kosti ?

Það myndi gleðja mig mikið að fá svar við þessari mikilvægu og forvitnilegu spurningu.

Einar það er enginn að banna þér að skrifa á þessa síðu, það sem mér finnst hins vegar merkilegt er að hún var upphaflega ætluð fyrir Sjálfstæðismenn til að tjá skoðanir sínar á starfi evrópunefndar flokksins en svo virðist sem allir aðrir en Sjálfstæðismenn séu að skrifa á hana.

Það sem þú ert í grunnin að segja er að peningamálatefna hér á landi sé ekki góð og valdi óstöðuleika sem er heimilum dýr og þar er ég sammála enda hef ég alltaf aðhyllst kenningar um stöðugan gjaldmiðil og talaði m.a. lengi fyrir því að taka upp hrávörufót. Innganga í ESB er ekki að fara að breyta neinu í peningamálastjórn landsins næstu átta árin eða svo. Það væri því miklu skynsamara að taka upp t.d. Dollar eða eins og bent hefur verið á að koma á fót myntráði eða hreinlega notast við hrávörufót. Fórnarkostnaðurinn við inngöngu er líka gífurlega mikill, það verður ekki byggilegt á landinu ef gengið verður of nærri auðlindum þess í þágu ESB og uppi sitjum við með lítið sem ekkert til að vinna úr.

Hvað varðar landbúnað þá er ég líka sammála þér í því að hér eru óþolandi háir verndartollar og bjagað landbúnaðarkerfi. Því getum við sjálf breytt og þurfum ekki aðild að ESB til. Ríkistjórnin gæti þess vegna á morgun lagt til að fella niður alla tolla einhliða.

Ég aðgreini umræðuna um peningamál og ESB, þetta er tvennt ólíkt og á ekki að heima undir sama hatti. ESB veifar vissulega evrunni framan í menn en það eru aðrar lausnir t.d. einhliða upptaka evru, upptaka dollar, norsku krónunnar, myntráðs, hrávörufót t.d. gull og silfur eða fisk og ál o.fl.

Þessi kreppa er ekki það versta sem hefur dunið yfir íslensku þjóðinni og við vinnum okkur út úr þessu og gerum það betur fyrir utan ESB en innan þess. Mæli með þessum lestri http://tilveran-i-esb.blog.is/blog/tilveran-i-esb/

Umræðan í athugasemdum þessarar heimasíðu virðist að mestu vera á milli sjálfstæðismanna (þeirra sem vilja ekki í ESB) og aðallega Samfylkingarfólks (þeirra sem vilja í ESB). Merkilegt. Gunnar Þórðarson má þó eiga það að hann er sjálfstæðismaður, eða var það allavega einhvern tímann.

Mikið af rökunum geng ESB eru sömu rökin sem voru notuð gegn EES á sínum tíma. Við vitum hvernig það fór, fullyrðingar andstæðinga EES á sínum tíma voru einfaldlega kjaftæði og byggðar á tröllasögum.

Hérna er upprifjun á heimsendatalinu í kringum EES samningin. Það þarf auðvitað ekki að taka það fram að Ísland er mun frjálsara og betra samfélag núna heldur en fyrir EES samningin. Núna þarf að ganga skrefið til fulls og sækja um og ganga í ESB.

http://www.baldurmcqueen.com/2008/551-ees-upprifjun-101

Jón Frímann
Og nú er hrunið staðreynd sem er bein afleiðing af meingölluðum EES samning
Það var ekki hægt að stoppa þessa vitleysu vegna reglna EES
Þökk sé Jón Baldvin og félögum

Við skulum sá hvernig ESB lítur út eftir 2-4 ár. Ég er nokkuð viss um engum dettur í hug þá að ganga þar inn.